政府研究交椅洲填海，15年用左８千萬整份堅尼地城－中部水域人工島交通評估，而家又話用5億5千萬，再整份中部水域人工島研究。發展局話以前份報告可以參考，但有堆數已經outdated。你話人工島係20年既計劃，唔夠5年就話D數過時，係咪5年後又拎幾億又研究？
交椅洲人工島計劃將提供約15萬至26萬個單位，七成係公營房屋，但同一時間又話發展人工島為第三個核心商業區，一來發展核心商業區會拉高三成私人住宅價，二來公營房屋的居民與核心商業區的工種可能有偏差，最後導致不少「島民」仍需跨區上班。
仲有，文件話「考慮了過往相關技術研究的分析和正面結果」，連文件都講明只考慮正面結果！份研究報告話第日人工島道路塞到要搞收費先負荷到交通，係咪掩埋唔理負面結果就當無事？
